Phó Thủ tướng ồng Trần Hồng Hà chờ gờm tơngai lơh broă pa bơh mò Angela Pratt tàm lơgar Việt Nam mờ đơs niam gơnoar đơng lam bơh Mpồl lơh sơnơm dunia dê tàm bơta dunia gơtìp mờ uă bơta lòng bè kòp gơtờp. Tàm hơ̆, broă dong kờl bơh mpồl lơh sơnơm dunia dê neh pơgồp dong kờl lơgar Việt Nam lơh geh cồng nha tàm broă tam dră mờ kòp Kovid-19 mờ gơs dùl tàm ală lơgar gờñ pờ mpồng tơnơ̆ mờ kòp gơtờp jơh.

Cri bơyai bè broă kờñ geh ală phan lơh sơnơm, sơnơm, phan lơh broă, sơnơm vaccine geh bơta niam, priă di pal, Phó Thủ tướng ồng Trần Hồng Hà hòi jà mpồl lơh sơnơm dunia pơn jăt tai dong kờl lơgar Việt Nam, tàm hơ̆ uă ngan là ală bơta sơnơm vaccine gam ờ tơl tàm broă cit sơnơm sơndră mờ kòp. Mò Angela Pratt đơs tờm, WHO mờ Cíñ phủ lơgar Việt Nam neh geh lơh broă bal nền nòn, geh cồng nha tàm tơngai jòng, do là tơngu me tờm kwơ màng nàng bàr gah pơn jăt tai bơsong ală bơta kal ke tàm gah lơh sơnơm tŭ do. Tàm tơngai tus, WHO geh pơn jăt tai pơgồp bal nền nòn mờ Ƀộ Y tế nàng tơnguh broă geh sơnơm vacčine gơwèt broă cit sơnơm sơndră mờ kòp.