Phó Thủ tướng ring bal mờ jơnau hòi jà bơh Củ tịc ồng Yamaguchi Natsuo dê bè broă tơnguh broă tìp bal đah Đảng Quốk hội đah bàr lơgar, tàm hơ̆ lơh pràn broă tìp bal nghị sĩ, tàm hơ̆ uă ngan là nghị sĩ cau ùr, nghị sĩ gam kơnòm, tơnguh broă lơh bal đah bàr lơgar tàm uă gah broă; hòi jà Đảng Kông Miñ kờñ bal mờ ală broă ai tơl bơta ƀuơn cau lơgar Việt Nam in mŭt tàm lơgar, ơm kis mờ lơh broă tàm lơgar Nhờk.

Củ tịc ồng Yamaguchi đơs niam broă bàr lơgar geh uă broă tìp bal bơta niam chài, tàm hơ̆ geh Lơh chờ lơgar Việt Nam mờ ƀlàng Yoyogi, Tokyo mờ broă tus bal bơh git nđờ rơhiang rơbô nă cau, geh làng bol lơgar Nhờk đơs bal mờ càr lơgar Tokyo đơs is, tàm hơ̆ kờñ gơboh; tơlik nùs nhơm kơ̆p kờñ lam bồ mpồl nghị sĩ Đảng Kông Miñ tus còp lơgar Việt Nam tàm nam 2023.