Pờ Ơdŭ bơto pơlam, tàm lùp bơta mờng chài bè broă lơh hòi jà làng bol ai Mpồl Ủy ƀan Mặt trận dà lơgar Lào bơ̆t bơtàu dà lơgar in

Ơdŭ Bơto pơlam, tàm lùp bơta mờng chài broă lơh hòi jà làng bol đah Mpồl Hòi jà làng bol Dà lơgar Đảng Kộng sản Việt Nam mờ Ủy ƀan Mặt trận dà lơgar Lào bơ̆t bơtàu dà lơgar geh bơyai lơh nàng kờñ tàm lùp, yal tơngĭt mờ tam pà bal ală broă tờm bè cribơyai tàm sră pơ àr, bơta geh ngan, ală cồng nha pơnrơ ngan bè broă lơh hòi jà làng bol bơh bàr Đảng, bàr Dà lơgar dê, ngan là ală broă pa, bơta geh ngan mờ mờng chài broă lơh hòi jà làng bol tàm bơtàu tơnguh lơh sa- mpồl bơtiàn, bơ̆t bơtàu ƀòn lơgar pa; hòi jà làng bol kòn cau dùl êt nă cau; prăp gàr mờ ngui niam rài kis niam chài krơi is jơi bơtiàn dê; broă lơh hòi jà làng bol tàm anih lơh broă dà lơgar mờ ală broă lơh “Chài hòi jà làng bol” tàm bàr pe tiah...Bơh hơ̆, bàr lơgar tàm yal tơngĭt bal bơta mờng chài broă lơh, pơgồp bơnah lơh tơnguh, tơnguh uă cồng nha lơh geh, lơh gơtùi broă lơh hòi jà làng bol tàm tơl lơgar.