Dơ̆ lùp mờ hơ jơnau lùp geh bơyai lơh ngai 3 tus ngai 5 nhai 11. Ală mpồl broă geh Quôk hội sac rơ wah lùp là: Bơt bơtàu, Nội vụ, Thông tin mờ Truyền thông, Lùp sền. Lồi dơ̆ pơrjum, Thủ tướng Cíñ phủ ồng Phạm Minh Chính geh lơh loh ală broă geh gơrềng mờ hơ jơnau lùp bơh kwang bàng Quôk hội dê. Ală dơ̆ lùp mờ hơ jơnau lùp geh pờ tơlik tơn tàm gah sơñio rùp mờ pờ tơlik tơn tàm gah pờ tơlik jơnau đơs nàng cau tĕ khà mờ làng bol in iăt, kơno.

Kwang bàng Trần Văn Lâm, Phó Kwang atbồ Mpồl ờs drơng broă Mpồl kwang bàng Quôk hội càr Bắc Giang, Ủy viên Ủy ƀan Tài cíñ– Kes priă Quôk hội

Bàr pe tơngume kwơ màng ndai Quôk hội cribơyai bè broă lơh jat broă lơh, adat boh lam bè lơh jat broă tềm pềr, sơndră pơhì pơhà  tơngai bơh nam  2016 - 2021 mờ rơndap broă lơh Adat Ù tiah (tam gơl). Rơndap bơh jơnau rcang cih Adat tàm hơ̆ geh 16 tap, 245 sèng, tàm hơ̆ lời bè ờs 28 sèng; tam gơl, bơtơl 184 sèng; bơtơl pa 41 sèng mờ sang tĕ 8 sèng. Kung tàm poh lơh broă do, Quôk hội cribơyai bè rơndap broă lơh Adat rcang sơndră tam gơl priă tìs gơ gơs priă di pal mờ adat boh lam (tam  gơl); rơndap broă lơh Adat Hợp ták xã (tam gơl); Rơndap broă lơh Adat rcang gàr rài kis làng bol; Rơndap broălơh Adat giă (tam gơl); jơnau rcang cih Nghị quyết ai lơh jat Jơnau pal jat tàm dơ̆ pơrjum Quôk hội (tam gơl)....