Pơrjum cri bơyai geh Hìu lĭp sră Cíñ trị dà lơgar Sự thật pơgồp bal mờ Họk viện Ƀáo cí mờ Tuyên truyền bơyai lơh. Tàm pơrjum, ală kwang bàng pà git, tus tŭ do, gùt lơgar geh 815 anih lơh broă sră ƀăo, 57 hìu lĭp sră mờ git nđờ jơ̆t rơbô nă cau ai jơnau tơngit, sền sơwì jơnau.

 Pơrjum cri bơyai khoa họk “Gơnoar broă bơh sră ƀăo, lĭp sră dê tàm broă sền gàr nùs nhơm tờm bơh Đảng dê”

Ală anih lơh broă sră ƀăo, lĭp sră geh tơnguh bơtàu dờng pràn sùm, geh tìp mờ broă tơnguh bơtàu bal bơh dunia dê, ai geh uă pang sră ngai sơlơ geh bơta niam, di pal mờ rài kis nùs nhơm mpồl bơtiàn, pơgồp bal kwơ màng tàm ală cồng nha dờng màng, geh kwơ rài kah yau dà lơgar dê. Bŭ lah bè hơ̆, di lah pơn drờm mờ broă kờñ tơnguh bơtàu pa dà lơgar dê, gơnoar sră ƀăo, hìu lĭp sră tàm broă sền gàr bơta tờm nùs nhơm, tam dră mờ ală jơnau ờ niam, jơnau tàm gơjrañ gam geh ală broă lơh ờ hềt pràn; pal geh ală tam gơl pa, ai geh gùng dà broă lơh pa, pràn. Bơh tŭ hơ̆ nàng tơnguh gơnoar, bơta pràn bơh să tờm dê tàm broă tơwèt nùs nhơm mpồl bơtiàn, lơh tờm rài kis nùs nhơm, geh uă tàm đah nùs nhơm, sền gàr kơl jăp bơta tờm nùs nhơm bơh Đảng, tam dră lah yă ală jơnau tìs, jơnau tàm gơjrañ.