Đơs tàm dơ̆ sơn đờm, Thủ tướng lơgar Campuchia ồng Samdech Techo Hun Sen đơs niam bơta kwơ di tơnkah 55 nam ngai crơng gơs mpồl ASEAN, neh rơlao dùl tơngai jŏ jòng bơh broă pơgồp bal mờ lơh broă bal tàm tiah do, lơh pràn broă pơgồp bal đah ală lơgar tàm hìu nhă ASEAN dê tài jơnau kờñ bal là ring lơngai, pràn is mờ tơnguh bơtàu.

Pơrjum Kấp dờng mpồl ASEAN dơ̆ 40, 41 mờ ală Pơrjum Kấp dờng gơrềng bal là dơ̆ nàng ală lơgar sền wơl mờ lơh ngan ai geh dùl rài tơnơ̆ do tam klăc, pràn is, tơrgùm bal mờ ai geh tàm adăt boh lam. Uă jơnau yal bơr kwơ màng geh ring bal bè Jơnau yal bơr tơnkah 55 nam crơng gơs mpồl ASEAN, Jơnau yal bơr mpồl ASEAN lơh broă: Bal mờ broă sơndră mờ bơta lòng mờ Jơnau yal bơr broă pơgồp bal mpồl ASEAN tơnơ̆ nam 2025, là ală gùng dà broă lơh nàng chồl pràn broă lơh bal lơh sa, tơnguh bơtàu ndrờm bal, tơrbŏ bal niam mờ geh sùm gơnoar broă tờm mpồl ASEAN tàm tiah do dê.

Tơnơ̆ mờ tŭ pơrjum sơn đờm, Kwang đơng lam ală lơgar tàm mpồl ASEAN tus bal pơrjum Kấp dờng mpồl ASEAN dơ̆ 40 mờ pơrjum ờ ơnàng Pơrjum Kấp dờng mpồl ASEAN dơ̆ 41.