Rơlao 500 nă kwang bàng là ală cau khoa họk, kwang bàng atbồ, cau pơgru, cau lơh broă kơlôi sơnơng tus bơh ală hìu bơsram đại họk, anih kơlôi sơnơng tàm gah kông nghệ siñ họk gùt lơgar neh tus bal pơrjum.

Ală jơnau đơs tàm pơrjum neh đơs tus ală broă lơh tờm bơh kông nghệ siñ họk bè: Tế ƀào gốk, kỹ thuật lơh niam wơl gen, kỹ thuật mblàng yal DNA rài pa, kơlôi sơnơng ngui tàm gah lơh sơnơm, phan tàm dà mờ lơh sa suơn sre. Pơrjum là dơ̆ cri bơyai khoa họk kông nghệ nàng ală cau khoa họk, cau pơgru, cau kơlôi sơnơng, cau bơsram mờ cau bơsram dờng tus bơh ală hìu bơsram đại họk, Viện kơlôi sơnơng, ală kông ty mờ mpồl lơh sa kă bro lơh broă tàm gah Kông nghệ Siñ họk mờ ală gah broă gơrềng bal tìp bal, cri bơyai, yal ală cồng nha broă lơh, cồng nha kơlôi sơnơng pa ngan, là dơ̆ niam nàng tơrbŏ bal, lơh broă tơnguh bơtàu bal ală bồ tơngoh kơlôi sơnơng pa, nền nòn, ală gah broă lơh.