Bè ală jơnau yal broă lơh bơh Kwang atbồ anih cah rơña làng bol dờng rơlao jơh, Kwang atbồ anih sền gròi ai ngui kơrnoăt boh lam dờng rơlao jơh; broă sơndră mờ cau tìs mờ tìs mờ adăt boh lam; broă lơh jăt broă cah rơña mờ broă sơndră mờ sa kuề sa koà nam 2022.

Ală broă gơrềng bal tus Kông ty kổ phần Việt Á; Kụk Lãñ sự, Ƀộ Ngoại giao; Tập đoàn FLC... mờ ală broă cah rơña gơrềng bal cau tìs bè sa kuề sa koà mờ gơnoar broă tàm tơngai do neh geh lơh pràn ngan mờ nền nòn, geh nùs nhơm kơrian, mờ geh nùs nhơm bơto bơtê uă ngan. Mơya, cau tìs gơrềng tus mờ sa kuề sa koà bal mờ gơnoar broă gam ờ hềt tơngŏ gơmù mờ gam geh tơngoh gơguh, tus rơlao 33%. Lài mờ dơ̆ cri bơyai bè tơngu me do, ală kwang bàng quốk hội sồr mblàng lơh loh rơlao mờ geh broă lơh geh cồng nha nàng tơmù, kơrian bơta tìs sa kuề sa koà mờ gơnoar broă.