Drim do (03/11), Quôk hội cribơyai tàm mpồl bè rơndap lơh Adat Ù tiah (tam gơl). Ồng Trần Công Phàn, Mpồl kwang bàng càr Bình Dương đơs là, broă kuơmàng ngan rlau jơh là jơnau rơcang cih Adat Ù tiah (tam gơl) dơ̆ do pal đal git ndrờm bal gơnoar ngui ù tiah bơh làng bol dê mờ ala mat gơnoar atbồ bơh dà lơgar dê.

Rơndap broă lơh rài 21- tiah “ù biàng” tàm Bình Dương neh sang gời sùm 15 nam do (rùp: Thiên Lý)

Pal kơlôi sơnơng nàng bơ tơl tai ală kơrnuat boh lam nàng ngan ngồn geh drà kă bro bơtàu tơnguh bè gơnoar ngui ù, ờ di mìng ơm tàm 2 phan hàñ cíñ tờm ngan là ai wơl ù mờ jàu ù halà tac bro ù tiah. Bè tơngume sang tĕ jơnau cih giă ù, git nền jat giă drà kă bro, uă kwang bàng đơs là, pal lơh loh ală kơrnuat đal git drà kă bro nàng git nền giă ù.