Pơn jat tai broă lơh pơrjum dơ̆ 4, ngai  31/10, Quôk hội lời jơh ngai cribơyai bè Jơnau yal cồng nha jat sền “Broă lơh jat broă lơh, adat boh lam bè lơh jat broă tềm pềr, sơndră pơhì pơhà tơngai bơh nam 2016 -2021” tàm tiah dà lơgar. Ală Kwang bàng Quôk hội đơs jơnau đơs bơsong ală bơta kal ke, kòl yan tàm broă atbồ Hìu lơh broă dà lơgar, nàng ală jơnau sồr gàr niam ngan ală bơta, tềm pềr mờ geh cồng nha. Bơh jat sền pà gŏ, broă atbồ, ngui kes priă dà lơgar, ală khà priă dà lơgar ndai geh uă tam gơl niam ngan, gàr niam kràñ cê, tềm pềr mờ geh cồng nha rlau tai. Mơya, jơnau yal kung sơñio loh: broă lơh, sền sơ wì kờp dŭ kes priă dà lơgar ờ hềt lơh jat bè bơta geh ngan. Gĭt nđờ rơbô rơndap broă lơh lơyài tŭ tơngai, gĭt nđờ rơbô rơndap broă lơh hoàc huơr, pơhì pơhà lơh roh tơngai niam bơtàu tơnguh dà lơgar.

Quôk hội lời jơh dùl ngai 31/10 nàng jat sền uă ngan broă lơh jat broă lơh, adat boh lam bè lơh jat broă tềm pềr, sơndră pơhì pơhà tơngai bơh nam 2016-2021

Ală kwang bàng sồr pal lơh loh làng ală rơndap broă lơh tờm Dà lơgar drơng broă bơtàu tơnguh lơh sa- mpồl bơtiàn, ngan là ală broă lơh ƀòn lơgar, tiah kơh bơnơm, tiah làng bol kòn cau dùl ết nă cau. Tàm ală broă lơh geh đơs, ală kwang bàng đơs sùm broă bơcri di broă di anih mờ lơh jơh tơn geh lơh ờ hoan geh ƀà bồ tơngoh kơlôi ndrờm bal priă bơcri lơh. Ngan là, jơnau sồr tềm pềr, sơndră pơhì pơhà pal geh ngan tus bơta gĭt wă mờ nùs nhơm bơh cau kwang bàng mờ kwang đơng lam bồ dê, ngan là cau lam bồ bơh mpồl anih lơh broă, mpồl lơh broă mờ ală tiah dê.