Tơngu me jơnau lùp mìng gùt dar ală broă lơh nàng bơsong ală cau dùl nă să, mpồl lơh broă geh nùs nhơm ờ niam cih jơnau tơngit ờ di pal, tìs mờ mùl màl tàm ală pang jơnau yal tơngit điện tử, tơrgùm, blơi, tăc ờ di mờ adăt boh lam zữ liệu yal tơngit să tờm, pơrlồm kông nghệ kao.

Ƀộ trưởng ồng Nguyễn Mạnh Hùng pà git: lài do mìng geh broă cih jơnau yal tàm ală anih sră ƀăo, di jăt mờ kơrnoăt geh ai, ală anih sră ƀăo pal sền wơl, gàr niam jơnau yal di mờ adăt boh lam. Bàr nam do geh ală anih sră ƀăo pa là yal ad network (hơ̆ là anih yal pờ tơlik tàm internet geh gơnoar lơh kòn gùng), den tàng ală anih sră ƀăo gơlơh sơbì bơnah broă dờp kơnòl. Ƀộ neh lùp sền, sền gròi, ală anih sră ƀăo neh git broă do. Kung tàm drim òr (04/11), Ƀộ trưởng Ƀộ Xây dựng ồng Nguyễn Thanh Nghị mờ ală kwang bàng Cíñ phủ neh hơ jơnau lùp loh làng mờ tơl ală jơnau bơh ală kwang bàng Quốk hội dê bè gah bơ̆t bơtàu.