Broă rơndap lơh bơtàu tơnguh lơh sa- mpồl bơtiàn nam 2023 bơh Thủ tướng Cíñ phủ ồng Phạm Minh Chính yal tàm dơ̆ sơnđờm mŭt pơrjum Quôk hội đơs loh jơnau kờñ pơn jat tai lơh lài sền gàr kơ̆ kơljap lơh sa dờng, gròi sền roh giă priă, sơlơ gơguh lơh sa, gàr niam ală bơta tàm pơn ring bal dờng bơh rài lơh sa dê. Gròi sền geh cồng nha ală bơta kòp.

Tàm 12 mpồl kơnòl broă, gùng dà broă lơh geh Cíñ phủ đơs, tơrgùm lơh lài sền gàr kơ̆ kơljap lơh sa dờng, gròi sền roh giă priă; lơh sir kơrnoat boh lam; tơnguh uă cồng nha lam lơh lơh jat adat boh lam dê; Lơh pràn srơh rcang sơndră sa kuề sa uà mờ ờ niam; sơlơ tơnguh lơh glài, duh rơngòt adat boh lam; tơnguh uă bơta mŭt lơh ngan ngồn, geh cồng nha atbồ Dà lơgar dê. Sền gròi bơtàu tơnguh tơl làm mờ dùl ròt bal ală gah niam chài rơgơi, gàr niam tàm tơrbŏ ndrờm bal đah bơtàu tơnguh lơh sa mờ bơta niam chài, mpồl bơtiàn, gàr niam lơngap lơngai rài kis mpồl bơtiàn; tơnguh uă rài kis phan bơna, nùs nhơm làng bol in.