Trạm sạc pil rơndeh đèng geh lơh tàm Anih tăc xăng zờu sồ 63 gơwèt Kông ty xăng zờu tiah đah Jum Tây Nguyên dê, ơm tàm sồ gùng 30/4, sơnah ƀòn Ea Tam, ƀòn dờng Buôn Ma Thuột. Do là Trạm sạc pil rơndeh đèng sơn rờp tàm ală anih tăc xăng zờu gơwèt Tập đoàn xăng zờu Việt Nam tàm tiah Tây Nguyên dê geh ngan ngồn mŭt lơh broă. Tàm do geh 3 jrong đèng sạc pil mhar, tơl nơm jrong geh bơta pràn 60 kW, lơh geh jơnau kờñ sạc pil rơndeh đèng ai năc in. Nam tus, Tập đoàn xăng zờu Việt Nam geh pơgồp bal mờ Kông ty TNHH Lơh sa kă bro mờ drơng broă Vinfast crăp lơh 500 trạm sạc pil rơndeh đèng tàm ală anih tăc xăng zờu bơh Tập đoàn tàm jơh gùt lơgar dê.