Mờr 9 nam lài, Hìu sơnơm Chợ Rẫy- Phnom Penh- broă lơh lơh broă bal sơnrờp tàm gah lơh sơnơm đah 2 lơgar dê neh ngan ngồn sơnđờm mŭt ngui. Mờ tơl làm ală chuyên khoa tơl khà pa ngan, Hìu sơnơm neh pơgồp bơnah uă ngan lơh geh jơnau kờñ kham, sơm kòp mờ sơm bời kòp ai làng bol Campuchia in đơs bal mờ làng bol càr lơgar Phnôm Pênh đơs is.

Tàm dơ̆ lơh broă mờ kwang đơng lam bồ Hìu sơnơm, Thủ tướng cih dờp mờ jờng rơ ală bơta lơh ngan bơh ală cau bơcri priă, mpồl y, ƀák sỹ, cau lơh broă gah lơh sơnơm Việt Nam mờ Campuchia dê tàm Hìu sơnơm Chợ Rẫy- Phnom Penh; kơ̆p kờñ, ală cau bơcri priă, mpồl y, ƀák sỹ, cau lơh broă gah lơh sơnơm Việt Nam tàm Hìu sơnơm Chợ Rẫy- Phnom Penh pơn jat tai bơsram lơh loh bơta kwơ cíñ trị bơh broă lơh do dê; pơnđơl pràn lơh ngan uă rlau tai nàng lơh sir niam rlau tai kơnòl broă dờng màng sền gròi pràn kơl dang să jan ai làng bol Campuchia in.