Tàm ală dơ̆ tìp măt kwang bàng kâp dờng, bàr gah neh dùl nùs bal pơn jăt tai lơh ngan ai bơta gĭt gơ̆p lơgar rềp bal niam bơnĕ, lơh bơyô bal ờs mờng bơh yau, lơh broă bal tơl ală bơta, kơ̆ kơl jăp jŏ jòng đah Việt Nam mờ Campuchia pơn jăt tai geh lơh ngan ngồn tàm uă broă, tài bơta kwơ bơh làng bol bàr lơgar dê. Củ tịc Quôk hội ồng Heng Samrin jờng rơ cồng nha cribơyai lài hơ̆ đah bàr Thủ tướng mờ broă bàr gah kĭ geh 11 sră nggal lơh broă bal di tàm dơ̆ do; jờng rơ ngan lơh broă bal đah bàr Cíñ phủ Việt Nam mờ Campuchia tàm ală broă mờ ngan là tàm broă rwah ù tiah sơn tơ̆p jrong nhàr lơgar tàm ù gờl. Thủ tướng ồng Phạm Minh Chính đơs sùm, broă bơ̆t bơtàu mờ sùm lơh kơ̆ kơl jăp bơta gĭt gơ̆p lơgar rềp bal lơh bơyô bal mờ lơh broă bal tơl ală bơta đah Việt Nam mờ Campuchia là jơnau sồr ờ gơtùi pleh klàs gơwèt mờ jơh bal bàr lơgar. Thủ tướng kơ̆p kờñ Quôk hội, Cíñ phủ Campuchia pơn jăt tai sền gròi kờñ bal broă lơh tơnguh lơh broă bal lơh sa đah bàr lơgar ndrờm pal mờ bơta pràn mờ bơta gĭt gơ̆p niam bơnĕ đah bàr lơgar.