Tàm dơ̆ pơrjum, Cíñ phủ sền sơ wì rơndap broă lơh Adat tam gơl, bơtơl bàr pe bơta bơh Adat kwang àng làng bol mờ sồr lơh ală adat: Adat tam gơl, bơtơl Adat ală mpồl ai càn priă; Adat Kim ta (tam gơl); Adat lơh sa mờ măi mok sền gàr dà lơgar, sền gàr lơngap lơngai mờ pơn jờng lơh sa mờ măi mok; Adat lơh sa mờ măi mok kông nghệ sồ; Adat Rơndap ù tiah tiah drà mờ ƀòn lơgar.

Thủ tướng Cíñ phủ ồng Phạm Minh Chính pà gĭt, bơt bơtàu adat boh lam, lơh sir kơrnoat boh lam là dùl tàm 3 broă lơh bơtàu tơnguh jŏ jòng, là bơta tờm lơh lài geh Cíñ phủ tơrgùm bơcri priă lơh, kràn cê jơh nùs lam lơh jat. Nam 2022, Cíñ phủ bơyai lơh 9 dơ̆ pơrjum mìng dùl tơngume bè bơt bơtàu adat boh lam, broă lơh, tă pơgồp jơnau đơs, ring bal gơwèt mờ 40 rơndap broă lơh, sồr bơt bơtàu adat, khà dơ̆ pơrjum, rơndap broă lơh, sồr lơh adat uă ngan rlau jơh tàm ală nam do.