Dơ̆ pơrjum geh lơh jat broă lơh pơrjum tơn pơgồp bal mờ pơrjum pờ tơlik tàm internet đah anih tàm tơrbŏ bal Anih lơh broă Cíñ phủ mờ 33 càr, ƀòn dờng gơwèt Dà lơgar gam geh ală rơndap broă lơh gùng lòt kwơ màng, rơndap broă lơh gùng lòt tờm.

Đơs pơn dŭt pơrjum, Thủ tướng Cíñ phủ ồng Phạm Minh Chính đơs sùm broă lam lơh geh cồng nha ală rơndap broă lơh geh pơgồp bơnah lơh jat 3 broă lơh bơtàu tơnguh mhar broă lơh jŏ jòng tàm pơrjum dờng dơ̆ 13 bơh Đảng dê sồr, tàm hơ̆ geh bơtàu tơnguh mhar bè phan bơna gùng lòt. Den tàng, ală Ƀộ, ngàñ, ală tiah pal tam gơl pa kơlôi sơnơng, broă lơh, bơsong ală broă, tam gơl bơta kơlôi sơnơng, broă lơh, broă lam lơh; broă tơm bơh bơr bal mờ gơ̆p mờ tàm tŭ lơh broă, đơs pal lòt bal mờ lơh, neh hơ là pal lơh jat mờ lơh jat geh cồng nha. Tàm pơrjum, Thủ tướng neh ai jơnau đơs bè tơl broă lơh bơt bơtàu, rơndap broă lơh kwơ màng dà lơgar dê mờ jàu kơnòl broă ngan ngồn ngan ai ală Ƀộ, ngàñ mờ ală tiah in.