Tàm pơrjum, Ƀộ Kế hoạc mờ Đầu tư neh yal Kơrnoăt bơh Thủ tướng Cíñ phủ bè broă lơh geh Mpồl duh broă đơng lam pơgồp bal tiah dà dờng Hồng. Jăt mờ hơ̆, Mpồl duh broă đơng lam pơgồp bal tiah geh ai ờ di là dùl kấp lơh broă sră nggal, mơya là broă lơh geh cồng nha nàng sền wơl, ai tơlik kơrnoăt ală broă kwơ màng tàm tiah do dê, pơgồp bal bơsong ală bơta gơlik geh ni sơna mờ dùl tiah tàm do ờ gơtùi bơsong, mờ gơtùi bơsong ală broă ờ hềt geh jơnau ring bal ha là sơrlèt mờ gơnoar broă geh ai bơh ală ƀộ, gah lơh broă mờ ală càr, ƀòn dờng tàm tiah do.

Tiah ring dà dờng Hồng geh ai gùng dà broă lơh gơs tiah bơtàu tơnguh mhar, kơl jăp, tàm hơ̆, Càr lơgar Hà Nội “Niam chài – Gơguh jăk – Pa”, gơs tiah tờm, tiah pràn nàng bơtàu tơnguh gùt tiah do mờ gùt lơgar, lơh ngan ndrờm bal mờ càr lơgar ală lơgar bơtàu tơnguh tàm tiah do dê. Tàm pơrjum do kwang đơng lam ală ƀộ, gah lơh broă dà lơgar, ală càr, ƀòn dờng cri bơyai bal mờ bơ̆t bơtàu broă rơndăp ù tiah tàm tiah ring dà dờng Hồng tơngai bơh nam 2021 tus 2030, wèt tus nam 2050 mờ bồ tơngoh jŏ jòng, nùs nhơm kơlơi sơnơng jòng tơngai, gàr niam bơta pơgồp bal, ndrờm bal, ring bal, geh cồng nha mờ kơl jăp.