Drim òr (14/11), Ƀộ Kế hoạc mờ Đầu tư bơyai lơh dơ̆ pơrjum băo yal bè Pơrjum lam lơh jat Nghị quyết sồ 23 bơh Ƀộ Cíñ trị dê bè gùng dà broă lơh bơtàu tơnguh lơh sa-mpồl bơtiàn, sền gàr dà lơgar, sền gàr lơngap lơngai tàm tiah Tây Nguyên tus nam 2030 geh bơyai lơh tàm ƀòn dờng Dà Làc, càr Lâm Đồng.

Jat hơ̆, pơrjum geh bơyai lơh tàm ngai 20 nhai 11 nam 2022, bơh bơta đơng lam bơh Thủ tướng Cíñ phủ ồng Phạm Minh Chính dê. Mờ tơngume “Bơtàu tơnguh tơlir- bơnĕ bơnài- Kơ̆ kơljap” do là pơrjum “3 tàm 1” geh bơyai lơh mờ jơnau kờñ yal Broă lơh lơh broă bơh Cíñ phủ dê lơh jat Nghị quyết sồ 23 bè gùng dà broă lơh bơtàu tơnguh lơh sa-mpồl bơtiàn mờ gàr niam sền gàr dà lơgar, sền gàr lơngap lơngai tiah Tây Nguyên nam 2030, broă rơndap lơh tus nam 2045. Mơkung hòi jà bơcri priă, hòi jà bơta sền gròi bơh ală cau bơcri priă, ală mpồl lơh sa kă bro tàm lơgar, tàm dunia, ală lơgar lơh broă bal bơtàu tơnguh tàm broă lòt bal mờ Cíñ phủ tàm broă lam lơh ală broă lơh, rơndap broă lơh bơcri priă geh gơtha kwơ màng ngan gơ wèt mờ broă bơtàu tơnguh lơh sa- mpồl bơtiàn bơh tiah Tây Nguyên dê.