Rơndap broă lơh gùng leh 3 ƀòn dờng Hồ Chí Minh jòng rlau 76 kơi sồ, lòt gan ƀòn dờng Hồ Chí Minh, ală càr Bình Dương, Đồng Nai, Long An, bal mờ ơnàng tam cah 4 bơnàng gùng rơndeh ntoăt răt ờ hoan ai lòt, gùng ơnàng 19,75 thơk. Rơndap broă lơh kờp jơh priă bơcri pơgap 75 rơbô 378 tơmàn đong mờ priă kes priă dà lơgar mờ ală tiah dê. Tơngai mut lơh rơndap broă lơh bơh nam 2023, lơh sir mờ ai rơndeh lòt rê bơh nam 2026.

Tàm ală tiah tus sền, Thủ tướng sồr 4 càr, ƀòn dờng pơn jat tai pơgồp bal niam, lơh niam broă lơh rcang priă bơcri, ngan là broă rơndap lơh pleh lơh tam gơl bè tơnơ̆ do; pơn jat tai lơh niam rlau tai broă lơh ai ù, pơn đơl pràn lơh ngan mut lơh rơndap broă lơh tàm nhai 6 nam 2023 nàng ai rơndeh lòt rê jơh gùt gơl gùng tàm nhai 6 nam 2025, lơh sir jơh rơndap broă lơh tàm nam 2026.