Tàm dơ̆ tìp mat, tàm nùs nhơm kờñ gơboh, pin dờn, geh ngan mờ sơrmah sơrmài, 2 nă Thủ tướng đơs sùm 2 gah geh pơn jat tai lơh ngan ngồn mờ ai “Jơnau yal bơr bal Việt Nam mờ Lo mờ pơn jat tai lơh pràn mờ lơh jrô ơnàng uă rlau tai bơta gĭt gơ̆p lơh broă bal jŏ jòng tơl làm Việt Nam mờ Lo” lơh geh tàm dơ̆ lòt còp lơgar Lo pa do bơh Tổng Ƀí thư ồng Nguyễn Phú Trọng dê gơ gơs ală cồng nha geh ngan; ring bal sơlơ tơnguh tìp mat lơh kuèng, tìp mat cribơyai kwang bàng kấp dờng mờ ală kấp, sơlơ tơnguh lơh broă bal geh cồng nha, geh ngan, geh kwơ bal tàm ală gah, cèng wơl bơta kwơ ngan ngồn ai làng bol 2 lơgar in.

Thủ tướng Cíñ phủ ồng Phạm Minh Chính sồr sơlơ tơnguh kă bro bơtàu tơnguh ndrờm bal, ngan là gàr niam kă bro sùm tàm ală mpồng tiah nhàr lơgar, lơh geh bơta ƀuơn ƀoài ai phan lơh geh bơh gah lơh sa suơn sre lơgar Việt Nam dê tăc tus lơgar Lo, ngan là tàm dơ̆ sa Tềp dà lơgar gam mờr tus rềp nàng làng bol 2 lơgar in sa Tềp ram mhŭ, chờ hờp.