Do là ală broă lơh bơh sơnrờp tàm dùl ròt ală Pơrjum Kwang bàng Kâp dờng Asean dơ̆ 40 mờ 41 dê mờ ală Pơrjum Kwang bàng Kâp dờng geh gơrềng bal. Thủ tướng Cíñ phủ ồng Phạm Minh Chính bal mờ Kwang đơng lam bồ ală lơgar Asean jờng rơ broă bơyai lơh ală dơ̆ tìp măt tơm bơh bơr, iăt kơno jơnau đơs bơh ala măt ală mpồl, rơnàng kwang bàng krơi is. Ală lơgar đơs nền bơta lòt bal bơh AIPA dê bal mờ Cíñ phủ ală lơgar Asean tàm uă nđờ jơ̆t nam do pơgồp bơnah kwơmàng tàm ală broă lơh bơ̆t bơtàu Mpồl bơtiàn Asean. Ală lơgar sồr geh uă broă lơh tơnguh cồng nha pơgồp bal đah mpồl lơh jăt adat boh lam mờ mpồl lơh adat boh lam, tàm hơ̆, jơh nùs kờp sền, sơrbì tĕ ală bơta lơh kơryan, lơh ngan lơh niam adat boh lam, ai tơl bơta lơh jăt ală jơnau ring bal, broă lơh lơh broă bal, ngan là tàm ală broă geh sền gròi tŭ do bè tam gơl sồ, tam gơl năng lượng mờ sơrlèt gan mờ tam gơl trồ tiah...Ală Kwang đơng lam bồ đơs nền ơruh pơnu lơh gơnoar broă kwơmàng tàm broă dong lơh tơnguh bơta tàm pơgồp bal mờ sơrlèt gan mờ bơta lòng bal tàm tiah do, pơgồp bơnah rơndăp gùng dà rài tơnơ̆ do bơh Mpồl bơtiàn Asean dê.