Tàm ală dơ̆ Pơrjum, ală Kwang đơng lam bồ Asean mờ lơgar tam klăc lơh broă bal sền swì wơl mờ ai tơlik gùng dà broă lơh bơtàu tơnguh bơta gĭt gơ̆p đah 2 gah. Ală lơgar tam klăc lơh broă bal đơs nền sền dờng màng bơta gĭt gơ̆p mờ Asean, hơ pơn jăt tai bal mờ Asean sơlơ tìp măt tơm bơh bơr, lơh broă bal mờ sơndră wơl geh cồng nha gơwèt mờ ală bơta lòng, pơgồp bơnah rơndăp gơs rơndăp tăp sèng kơnhoàl ù tiah pờ ơnàng, glòm jơh, song dơ pă loh làng, yờ tơnguh adat boh lam dunia, mờ Asean lơh gơnoar broă tờm.

Tàm Pơrjum Kwang bàng kâp dờng Asean mờ Lo dơ̆ 25, Thủ tướng lơgar Lo đơs sùm Asean là ai lài khà dùl tàm gùng dà broă lơh lơgar rềp bal bơh he dê, đơs nền tai sền dờng màng gơnoar broă tờm bơh Asean dê tàm rơndăp tăp sèng kơnhoàl ù tiah do, kơ̆p kờñ bal mờ Asean lam lơh geh cồng nha bơta gĭt gơ̆p Tam klăc lơh broă bal jŏ jòng tơl ală bơta pa lơh gơs, pơn jăt tai hơ dong kờl Asean bơ̆t bơtàu Mpồl bơtiàn mờ ngui niam gơnoar broă tam ală dơ̆ cribơyai tàm kơnhoàl ù tiah do mờ tàm dunia. Tơn jơh pơrjum, Kwang đơng lam bồ ală lơgar Asean mờ Lo ring bal Jơnau yal bơr tơngkah kir sơnrai 20 nam Yal bơr broă lơh bơh ală gah dê tàm dà lềng đah mat tơngai lik (DOC) đơs nền tai bơta gơtha mờ bơta kwơmàng bơh DOC dê gơwèt mờ bơta ring lơngai, lơngăp lơngai, kơ̆ kơl jăp tàm dà lềng đah mat tơngai lik, Jơnau yal bơr bal bè sơlơ bơtàu tơnguh bal mờ kơ̆ kơl jăp, Jơnau yal bơr bal bè lơh broă bal gàr tơl phan sa....