Mho ngai 19/12, Ƀộ Tài cíñ bơyai lơh pơrjum tơn jơh broă lơh Priă jền- kes priă Dà lơgar nam 2022, lam lơh kơnòl broă nam 2023. Thủ tướng Cíñ phủ ồng Phạm Minh Chính tus mờ đơs đơng lam pơrjum. Pơrjum geh bơyai lơh tơn pơgồp bal mờ pờ tơlik tơn tàm internet tàm tơrbŏ bal mờ Ƀộ Tài cíñ bal mờ 62 anih tàm tơrbŏ bal ală càr, ƀòn dờng tàm gùt lơgar dê.

Tàm pơrjum, Thủ tướng neh sơñio loh ală cồng nha neh lơh geh mờ bơta ờ hềt pràn mờ jơnau bơsram mờng chài bơh gah Tài cíñ dê. Thủ tướng đơs sùm, năm 2023 là nam sơn rờp lơh jat broă rơndap lơh bơtàu tơnguh lơh sa- mpồl bơtiàn, Priă jêdn 5 nam bơh nam 202-2025 mờ nam dơ̆ 3 lơh jat broă lơh jŏ jòng bơtàu tơnguh lơh sa- mpồl bơtiàn 10 nam bơh nam 202-2030 jat ală Nghị quyết bơh Đảng, Quôk hội dê, kơnòl broă geh ai gơwèt mờ gah Tài cíñ là kơn jơ̆ kơn jŭt ngan. Sền bal Thủ tướng ring bal mờ jơnau kờñ, jơnau sồr, kơnòl broă, gùng dà broă lơh bơyai lơh jat broă rơndap lơh priă jền– Kes priă dà lơgar nam 2023; tơrgùm đơng lam, pơgồp bal niam tàm broă đơng lam, lam lơh jat kràñ cê jơh nùs tơn bơh ală ngai bơh chờm nam 2023 dê, jơh nùs lơh ngan lơh sir uă ngan rlau jơh ală jơnau kờñ bơtàu tơnguh lơh sa mpồl bơtiàn mờ kờp dŭ lài Kes priă Dà lơgar nam 2023, ngan là gròi sền roh giă priă, kơ̆ kơljap lơh sa dờng, rơndap tap sèng wơl kes priă Dà lơgar, dồs dà lơgar, bơtàu tơnguh rài lơh broă priă jền dà lơgar niam mờ kơ̆ kơljap.