Đơs tàm dơ̆ pơrjum, Thủ tướng Cíñ phủ ồng Phạm Minh Chính kơ̆p kờñ, tơl nă he mờ ală broă lơh mùl màl, tus bal lơh geh uă bơta sền kwơ adăt boh lam, pơgồp bal tàm broă ai Sơnoa bơh lam mờ adăt boh lam mùl màl gơmŭt jrô tàm bồ tơngoh bal mờ broă lơh bơh tơl nă làng bol, mpồl lơh sa kă bro, bơh anih lơh broă, mpồl lơh broă bal mờ gùt mpồl bơtiàn.

Nùs nhơm do pal gơs bơta tờm jăt bal, lơh jăt mờ bơta niam chài rơgơi tàm mpồl bơtiàn. Broă bơ̆t bơtàu – yal – lơh jăt – jăt sền adăt boh lam geh lơh niam, geh lơh ală bơta kwơ niam chài rơgơi hơ̆ gơs bơta pràn kwơ màng dà lơgar dê. Tàm tơngai tus, Thủ tướng sồr, pơn jăt tai lơh jăt, tơnguh uă jơnau git wă, lơh geh cồng nha Nghị quyết Pơrjum dờng kwang bàng gùt lơgar dơ̆ 13 bơh Đảng dê; mhar lơh jăt Nghị quyết Dà lơgar 6 khoă 13 bè “Pơn jăt tai bơ̆t bơtàu mờ lơh gơs dà lơgar gơnoar boh lam Xã hội chủ nghĩa Việt Nam tàm tơngai pa” tơnơ̆ mờ tŭ neh geh kấp geh gơnoar ai tơlik.