Tàm dơ̆ wă, Thủ tướng Cíñ phủ ồng Phạm Minh Chính đơs niam gơnoar broă bơh să tờm Phó Thủ tướng mò Men Xom-on dê tàm broă lơh pràn broă tìp bal bơta chài rơgơi, tìp bal làng bol, nùs nhơm tam klăc bal mờ git gơ̆p lơh bơyô bal niam bơnĕ đah bàr Cíñ phủ mờ làng bol bàr lơgar.

Kơ̆p kờñ tàm uă gơnoar broă lơh; Phó Thủ tướng mò Men Xom-on pơn jăt tai dong kờl, sền gròi, kờñ bal mờ ai tơl bơta niam nàng làng bol, mpồl lơh sa kă bro lơgar Việt Nam bal mờ làng bol cau bơh lơgar Việt Nam ơm kis, lơh broă, kă bro niam mờ ƀuơn tàm lơgar Campuchia. Kwang đơng lam bàr lơgar ring bal tàm tơngai tus, pal tơnguh rơlao tai broă lơh bal đah ală càr, ƀòn dờng, tàm hơ̆ uă ngan là ală càr, ƀòn dờng geh bal gùng nhàr dà lơgar, lơh pràn broă tìp bal làng bol mờ uă broă lơh mùl màl geh cồng nha, tàm hơ̆ uă ngan là bơh ală broă lơh bơh bàr Mpồl git gơ̆p lơh bơyô bal dê.