Dờp jơnau jà bơh Thủ tướng lơgar Campuchia ồng Samdech Techo Hunsen dê, Thủ tướng Cíñ phủ ồng Phạm Minh Chính geh còp ngan ngồn lơgar Campuchia bơh ngai 08 tus ngai 13/11 do. Dơ̆ lòt còp geh lơh tàm tŭ tơngai git gơp kuơmàng đah Việt Nam mờ Campuchia ngai sơlơ geh bơt bơtàu, bơtàu tơnguh kờp bơh tŭ ngan ngồn geh lơh pơgap mờ do 55 nam. Do kung là dơ̆ lòt còp ngan ngồn lơgar Campuchia dơ̆ sơn rờp bơh Thủ tướng Phạm Minh Chính dê tàm gơnoar broă Thủ tướng.

Tàm dơ̆ lòt còp, kờp dŭ Thủ tướng Phạm Minh Chính geh tìp mat cribơyai broă mờ Thủ tướng Campuchia ồng Hunsen, bal mờ Thủ tướng Hunsen tus bal đơs đơng lam tàm Cribơyai hòi jà bơcri priă kă bro Việt Nam- Campuchia, tìp mat Bơtau lơgar Campuchia ồng Norodom Sihamoni; Củ tịc Thượng viện ồng Say Chhum, Củ tịc Quôk hội ồng Heng Samrin mờ tìp mat 2, 3 nă kwang đơng lam bồ kâp dờng bơh Campuchia dê.