Tơnơ̆ 1 nam lam lơh Rơndap broă lơh sồ 6 mờ tơn jơh broă lơh bơh Ủy ƀan dà lơgagrr dê bè tam gơl sồ neh lơh geh uă cồng nha kuơmàng, pơn rơ là jơnau git wă mờ broă lơh bè tam gơl sồ dà lơgar pơn jat tai tam gơl niam, geh bơta gơ rề tàm ală kâp, ală gah broă lơh, ală tiah, ngan là cau atbồ; broă lơh sir kơrnuat, mpồl lơh broă, broă lơh, lơh gơlik anih adat boh lam ai tam gơl sồ in geh sền gròi đơng lam, pơlam, lơh geh cồng nha niam, 100% ƀộ, anih lơh broă ndrờm mờ ƀộ, càr, ƀòn dờng neh ai tơlik broă lơh, broă rơndap lơh, rơndap broă tam gơl sồ tơngai 5 nam.

Kuơmàng, Ƀộ Kwang àng neh jơh nùs lam lơh kơ sở zữ liệu dà lơgar bè làng bol ơm kis, rơhời lơh gơs làng bol sồ. Đơs tàm pơrjum, ala mat kwang đơng lam bồ Cíñ phủ, Thủ tướng Phạm Minh Chính jờng rơ ală broă lơh, bơta pơn đơl pràn mờ cồng nha lơh geh bơh ală ƀộ, gah broă lơh dà lơgar, càr, ƀòn dờng; Thủ tướng pà git, nam 2023 đơs lài tŭ niam, bơta ƀuơn mờ kal ke, bơta lòng tàm bơrlŭ bal, mơya kal ke, bơta lòng uă rlau, dờng rlau. Kơnòl tam gơl sồ dà lơgar kơn jơ̆ kơn jut ngan, sồr bol he pal geh bơta lơh ngan uă, pơn đơl pràn dờng rlau mờ lơh broă kràñ cê.