Tơnơ̆ dơ̆ wă rò, Thủ tướng lơgar Lo ồng Lý Cường lam bồ Mpồl kwang bàng kấp dờng lơgar Lo mờ Thủ tướng Cíñ phủ ồng Phạm Minh Chính lam bồ mpồl kwang bàng kấp dờng lơgar Việt Nam lơh dơ̆ tìp mat cribơyai.

Dơ̆ lòt còp nàng kờñ lơh ngan ngồn cồng nha dơ̆ lòt còp ngan ngồn lơgar Lo bơh Tổng Ƀí thư ồng Nguyễn Phú Trọng dê tàm lồi nam 2022. Bàr gah rơ̆p sền wơl ală cồng nha lơh broă bal neh lơh geh tàm tơngai pa do, ai tơlik gùng dà broă lơh, kơnòl broă nàng kờñ bơt bơtàu mờ bơtàu tơnguh bơta gĭt gơ̆p lơh bơyô bal mờ lơh broă bal tàm tơngai tus, ngan là ală broă lơh rề ơnàng mờ tơnguh uă cồng nha lơh broă bal tàm ală gah broă, sồr tă bơsong bơta kòl yan tàm broă lơh broă bal; cribơyai jat tàm nùs nhơm gĭt gơ̆p lơh bơyô bal, song dơ pă, jơh nùs, sền dờng màng, gĭt wă bal mờ gơ̆p, tài ring lơngai, lơh broă bal mờ bơtàu tơnguh.