Đơs tềng đăp mờ cau lơh ƀăo, Thủ tướng ồng Phạm Minh Chính đơs tờm, lơgar Việt Nam sùm sền kwơ broă lơh bal mờ lơgar New Zealand, dùl lơgar lơh broă bal jŏ jòng kwơ màng lơgar Việt Nam dê tàm tiah đah jum Thái Bình Dương, mờ kung là dùl lơgar lơh broă bal jŏ jòng mpồl ASEAN dê.

Thủ tướng pà git: tàm dơ̆ cri bơyai, bàr gah neh sền wơl tơl ală bơta ală gah broă lơh broă bal đah bàr lơgar mờ chờ hờp sền gŏ broă lơh git gơ̆p jŏ jòng đah lơgar Việt Nam mờ lơgar New Zealand gam tơnguh bơtàu niam bơnĕ mờ geh cồng nha; kwơ màng, kă bro bàr đah sùm gơguh. Bàr Thủ tướng kung neh ai geh ală gùng dà broă lơh nàng ai broă lơh bal jŏ jòng đah lơgar Việt Nam mờ lơgar New Zealand pơn jăt tai tơnguh bơtàu pràn kơl dang, nền nòn rơlao tai tàm tơngai tus, tài bơta kwơ bơh tơl lơgar dê, pơgồp bal tàm bơta ring lơngai, pas gơs, lơh broă bal mờ tơnguh bơtàu tàm câu Á – Thái Bình Dương.