Dơ̆ pơrjum sơn đờm mŭt lơh jăt broă lơh tơn pơgồp bal mờ pờ tơlik tàm internet đah 07 anih pờ, tàm hơ̆ geh: Hoài Đức, Thanh Oai, Sóc Sơn, Thường Tín (Hà Nội) bal mờ ală càr Bắc Ninh, Hưng Yên mờ Đồng Tháp.

Đơs tàm pơrjum, Thủ tướng Cíñ phủ ồng Phạm Minh Chính đơs tờm broă Bơcri priă lơh gơl gùng Jăt gah sồ 04 – Tiah Càr lơgar Hà Nội, tiah jăt gah pơgồp bal tiah lơh sa tờm Tiah Càr lơgar Hà Nội, tơrbŏ bal Càr lơgar Hà Nội mờ ală càr Hưng Yên, Bắc Ninh mờ ală càr ndai tàm tiah do geh tơnguh cồng nha bơcri priă lơh gơwèt mờ ală rơndăp broă neh mờ gam geh bơcri priă lơh, ai geh bơta niam tơnguh bơtàu pa mờ bơsong ală bơta gam gơkòl tàm Càr lơgar Hà Nội, lơh jơh bơta kwơ bơh broă ngui ù, lơh tiah drà kơl jăp, pa niam.