Đơs tàm do, Thủ tướng đơs tờm, nùs nhơm, bồ tơngoh pal ring bal, pal lơh ngan uă, lơh broă pràn, geh bơta tơrgùm lơh broă lơi pal gơs broă hơ̆, geh cồng nha kơlôi sơnơng nền nòn geh mờ tơrgùm ai lài uă ngan ai rơndăp broă lơh gùng ntoăt jờl in.

Thủ tướng đơs niam Ƀộ Giao thông Vận tải, 9 càr, ƀòn dờng tàm tiah ring dà dờng Cửu Long gơrềng bal tus mờ gơl gùng lòt gan neh lơh ngan, lơh pràn uă. Bơdìh hơ̆ tai, Thủ tướng sồr ai geh uă mpồl kwang bàng, geh uă bơta pràn kwang bàng nàng bơsram bal, ngui khoa họk kông nghệ uă ngan tàm broă lơh. Thủ tướng sồr ală càr geh gùng ntoăt jờl lòt gan, đơng lam ală càr, ƀòn dờng pal ai tơngai nggui cri bơyai bal, tam pà bal bè broă mờng chài, bal mờ hơ̆ hòi jà geh bal bơta pràn bơh làng bol.