Tàm dơ̆ lơh broă, Thủ tướng Phạm Minh Chính cih dờp, jờng rơ, đơs niam bơta lơh ngan, cồng nha mờ Mpồl ling sền gàr tiah nhàr dà lơgar neh lơh geh tàm tơngai lài; tàm tơngai tus, Thủ tướng sồr pal ngui chài ală broă lơh bơt bơtàu, atbồ, sền gàr tiah nhàr dà lơgar tàm bơta pa, pơgồp bal bơta pràn, jơnau cih adat boh lam, bơhiàn bơh yau mờ  bơta pràn bơh gùt anih lơh broă cíñ trị dê, ngan là bơta pràn bơh làng bol dê, bơta pràn bơh bồ tơngoh, kòn bơnus mờ niam chài Việt Nam dê, ngan là bơta pràn, niam chài krơi is ngan bơh làng bol ală jơi bơtiàn kòn cau tàm tiah nhàr dà lơgar dê.

Lơh jat niam jơnau đơs “Tài làng bol huĭ să tờm, tài làng bol mờ drơng lơh”, sùm ơm rềp làng bol, ơm rềp ƀòn lơgar, lơh niam broă lơh hòi jà làng bol, jơh nùs tus bal bơt bơtàu anih lơh broă cíñ trị kâp hơ đơm tàm tiah nhàr dà lơgar kơ̆ kơljap, pràn kơldang, dong làng bol bơtàu tơnguh lơh sa- mpồl bơtiàn, tơn jơh jơgloh tơrmù rƀah, bơt bơtàu ƀòn lơgar pa. Tơrgùm bơt bơtàu Đảng ƀộ Mpồl ling sền gàr tiah nhàr dà lơgar sàng goh, kơ̆ kơljap, pràn kơldang, mpồl ling kơ̆ kơljap, pràn kơldang tơl làm.