Phó Thủ tướng ồng Vũ Đức Đam, Ƀộ trưởng Văn hóa, Thể thao mờ Zu lịc ồng Nguyễn Văn Hùng neh đơng lam bal dơ̆ pơrjum. Tus bal pơrjum gam geh kwang đơng lam bồ ală ƀộ, gah broă lơh dà lơgar mờ geh tàm tơrbŏ pờ tơlik tơn tàm internet tus 63 càr, ƀòn dờng tàm gùt lơgar. Bơh nhai 3 nam 2021, Việt Nam neh pờ mpồng wơl jơh ală broă lơh nhơl chờ. Bulah pờ mpồng wă nac dunia gờñ rlau mờ uă lơgar tàm tiah do mơya broă ngui tŭ niam do nàng bơtàu tơnguh den ờ hềt uă, ờ hềt gơ hòi gơ jà geh uă nac nhơl chờ geh bơta niam uă; khà nac nhơl chờ dunia tus mờ Việt Nam ờ hềt geh bè bơta kơp kơnờm, mìng rơp geh mờr 42% pơndrờm mờ broă rơndap lơh ai tơlik.

Đơs tàm pơrjum, Thủ tướng Phạm Minh Chính đơs nền, nhơl chờ là dùl gah lơh sa kuơmàng, tă pơgồp ngai sơlơ uă tài rài lơh sa bơh uă lơgar dê; sồr pal geh bồ tơngoh kơlôi sơnơng pa, broă tus bal pa, jat gùng dà “Lơh gơlik ală broă drơng ala nhơl chờ mờ nac nhơl chờ kờñ” ờ di mìng mờ ală bơta mờ bol he neh geh bơh lài.