Thủ tướng Phạm Minh Chính pà git, nam 2023, ală bơta tàm dunia kung bè tàm lơgar gam uă gơlik geh kal ke, ờ gơtùi git lài; tàm hơ̆ kal ke, bơta lòng uă rlau. Bulah bè hơ̆, bol he kơ̆ dơn pin dờn geh lơh gơs geh cồng nha ală jơnau kờñ bơtàu tơnguh lơh sa mpồl bơtiàn nam 2023; gàr kơ̆ kơljap broă lơh sa dờng, gròi sền roh giă priă, sơlơ chồl pràn gơguh lơh sa mờ gàr niam ală bơta tàm pơndring dờng bơh rài lơh sa dê.

Tàm dơ̆ bơyai lơh, Thủ tướng Cíñ phủ mờ ală kwang bàng neh lơh bơhiàn tơlik jơnau đơs lam lơh dơ̆ pơndiang phan bồ nam 2023 bơh Anih ơhò ơm Tân Cảng - Cát Lái, Tổng Kông ty Tân cảng Sài Gòn dê, cèng bal ală bơta kơp kơnờm, bơta pin dờn tàm dùl nam lơh broă tac mờ blơi phan bơh lơgar ndai duh hồl, geh cồng nha, mờ priă lơh geh bơh kă bro gơguh pràn ngan.