Di tơngkah kir sơnrai 40 nam ngai Cau pơgru Việt Nam mờ 120 nam ngai crơng gơs Hìu bơsram Đại họk Y Hà Nội, ala mat kwang đơng lam bồ Đảng, dà lơgar, Thủ tướng Phạm Minh Chính pơyua tus ală rơnàng kwang đơng lam bồ, kwang bàng, cau pơgru, cau bơsram dờng Hìu bơsram Đại họk Y Hà Nội mờ ală kwang bàng tus bal dơ̆ bơyai lơh tơngkah jơnau lùp còp rềp mềr mờ jơnau nting bơr gờm chờ niam bơnĕ ngan rlau jơh.

Thủ tướng đơs nền, tŭ do, jơnau kờñ bè lơh sơnơm, sền gàr pràn kơldang să jan làng bol dê ngai sơlơ uă, ngan là tàm tŭ tơngai kòp Kovid-19 gam gơlik geh kal ke mờ pơhìn gơlik geh ală kòp bơtờp pa. Tŭ tơngai bè do ai tơlik gah lơh sơnơm in đơs bal mờ hìu bơsram Đại họk Y Hà Nội đơs is ală jơnau sồr, kơnòl broă kơn jơ̆ kơn jut ngan mơya kung pơn iờ să ngan. Sơlơ lơh kơ̆ kơljap mờ bơt bơtàu mpồl tam klac, tơrgùm dùl; bơt bơtàu Đảng ƀộ hìu bơsram sàng goh, pràn kơldang, kơ̆ kơljap; tơnguh pràn jak đơng lam bồ, bơta pràn lơh broă bơh ală mpồl duh broă Đảng mờ cau geh Đảng dê.