Thủ tướng Phạm Minh Chính tus bal mờ đơs đơng lam pơrjum. Ala mat kwang đơng lam bồ Đảng, dà lơgar, Thủ tướng Phạm Minh Chính cih dờp, jờng rơ, đơs niam ală broă lơh ngan, cồng nha kuơmàng, tă pơgồp dờng màng bơh mpồl Kwang àng làng bol dê gơ wèt mờ cồng nha bal bơh dà lơgar dê tàm nam 2022.

Tơngai tus, Thủ tướng Cíñ phủ ồng Phạm Minh Chính sồr mpồl Kwang àng làng bol pơn jat tai git nền, mblàng lơh loh, sền sơ wì, đơs lài di broă gơlik geh, jơh nùs, rơcang lài ai tơlik jơnau đơs mờ Đảng, dà lơgar bè ală gùng dà, broă lơh sền gàr lơngăp lơngai dà lơgar, sền gàr ring lơngai, ờdo ờdă mpồl bơtiàn; sơlơ sền gàr lơngăp lơngai dà lơgar, kơryan bơh gờñ, bơh ngài jơnau pơhìn lơh aniai tus lơngăp lơngai dà lơgar, sơndră mhar mờ ală bơta pơhìn  lơngăp lơngai ờ ờs mờng, kơryan jơnau pơhìn roh lơngăp lơngai lik bơh tiah nhàr dà lơgar.