Drim ngai 17/11, tàm ƀòn dờng Kon Tum, Ƀan Thường vụ Tỉñ đoàn Kon Tum bơyai lơh  jờng rơ “cau kơnòm să pơn rơ jak” dơ̆ 6 nam 2022 mờ ală sră jờng rơ pơrlòng bơh mpồl đoàn dê mờ bơta tus bal bơh rlau 150 nă đoàn viên, ơruh pơnu.

Đơs tàm broă lơh, Ƀí thư Tỉñ đoàn Kon Tum bi Xiêng Thanh Phúc đơs ngan, ală cau, mpồl cau geh Ủy ƀan Ñân zân càr, Ƀan Thường vụ Tỉñ đoàn jờng rơ, pà khà jờng là ală cau pơn rơ jak tàm broă bơsram mờ lơh jat jơnau sồr Bác Hồ dê. Tàm ală cau mờ mpồl cau geh jờng rơ, pà khà jờng geh 52 nă ơruh pơnu jak lơh jat jơnau sồr Bác Hồ dê; 15 nă cau kơnòm să pơn rơ jak; 41 nă cau pơgru kơnòm să, kơnòm bơsram, cau bơsram dờng, 9 mpồl cau mờ 17 nă cau geh cồng nha jak ngan tàm broă bơsram sră, lơh broă mờ srơh ơruh pơnu, kơnòm pa tàu càr Kon Tum dê tơngai lơh broă bơh nam 2017 tus nam 2022.