Pơn jăt tai dơ̆ tìp măt git gơ̆p lơh bơyô bal mờ lơh broă bal đah làng bol lơgar Việt Nam mờ lơgar Campuchia dơ̆ 5, mho òr (07/11), tàm càr Dăk Nông neh bơyai lơh dơ̆ tìp măt, tìp bal git gơ̆p đah Mpồl kwang bàng ala măt đah bàr lơgar Việt Nam mờ Campuchia mờ cau ling yau, cau jăk chài lài do, cau ling sền gàr tiah nhàr dà lơgar bal mờ ơruh pơnu càr Dăk Nông.

Tus bal broă lơh do, đah lơgar Campuchia geh ồng Vann Phal, Kwang dong broă Thủ tướng ồng Hun Sen, Phó Củ tịc Mpồl git gơ̆p, lơh bơyô bal lơgar Campuchia mờ lơgar Việt Nam lam bồ mpồl kwang bàng bal mờ ala măt ală kấp, gah lơh broă, ală càr, ƀòn dờng tàm lơgar Campuchia. Tàm dơ̆ tìp măt, ala măt cau kơnòm să tus bal dơ̆ tìp măt, lŏ H’ Hồng, Phó Ƀí thư Tỉñ đoàn Dăk Nông tơlik nùs nhơm ưn ngài gơwèt mờ ală broă phi să bơh ală rơnàng ồng pàng lài do tài bơta khăt gơboh, krơ is, mờ bơ̆t bơtàu broă tam klăc bal, git gơ̆p đềt mềr bal đah bàr lơgar Việt Nam mờ Campuchia dê. Cau kơnòm să càr Dăk Nông đơs is mờ cau kơnòm să bàr lơgar đơs bal geh pơn jăt tai bơ̆t bơtàu mờ tơnguh bơtàu broă git gơ̆p kwơ màng do.