Tàm dơ̆ wă, Tổng Ƀí thư, Củ tịc lơgar ồng Tô Lâm đơs sùm, tŭ do, lơgar Việt Nam neh gơs dùl tàm 40 gah lơh sa dờng ngan dunia dê, geh bal tàm mpồl 20 gah lơh sa geh bơta dờng kă bro phan lài ngan tàm dunia, rơndăp tăp sèng ơm dơ̆ 32 tàm mpồl 100 bơta kwơ măt kă bro dà lơgar pràn tàm dunia.

Tổng Ƀí thư, Củ tịc lơgar ồng Tô Lâm đơs loh, tàm tơngai tus, lơgar Việt Nam tơrgùm tơnguh bơta pràn tàm dơlam is, rơcang lài mŭt gơrờm bal lơh sa mờ ală lơgar wèt tàm broă tam gơl lơh sa sồ, gơguh lơh sa tơlir, bơtàu tơnguh khoa họk kông nghệ, tam gơl pa bơceh lơh nàng tơrgùm bal jrô ơnàng, tus bal geh cồng nha rơlao tàm mpồl ai phan gùt plai ù dê. Mờ lơh pràn bơcri priă bơtàu tơnguh phan bơna kwơ màng, ală rơndăp broă kwơ màng, lơh mhar broă bơ̆t bơtàu wơl, tơnguh uă bơta pràn tàm dơlam is tŭ do, nùs nhơm lơh tờm bơh lơh sa, pơn jăt tai gơguh, ai geh tiah niam bơcri priă kă bro ƀuơn ngan nàng ală mpồl lơh sa kă bro in.