Ƀộ Cíñ trị đơs tơnơ̆ mờr 10 nam lơh jat Nghị quyết, càr Nghệ An gam hời rơ hời lơh tus là Anih tờm bè priă jền, kă bro, lòt nhơl, bơto bơtê, khoa họk mờ kông nghệ, kông nghiệp kông nghệ kao, gah lơh sơnơm, bơta niam chài, tàp pràn să jan bơh tiah đah tô tàm gùl lơgar dê.

Nàng bơt bơtàu càr Nghệ An- ƀòn tờm bơh Củ tịc Hồ Chí Minh dê gơ gơs càr bơtàu tơnguh pràn bơh gùt lơgar dê, Ƀộ Cíñ trị ring bal ai lơh jat Nghị quyết pa bè bơt bơtàu mờ bơtàu tơnguh càr Nghệ An tus nam 2030, rơndap broă lơh tus nam 2045. Tàm hơ̆, sền gĭt jơnau kờñ càr Nghệ An là càr bơtàu tơnguh pràn bơh gùt lơgar dê, lơh sa- bơtàu tơnguh mhar mờ kơ̆ kơljap, cèng uă bơhiàn niam bơnĕ ƀòn Nghệ dê kwơ màng gah sền gàr dà lơgar, lơngap lơngai mờ gơnoar tờm bồt bơlào dà lềng geh gàr niam, kơ̆ kơljap, mpồl Đảng, ală anih lơh broă cíñ trị kơ̆ kơljap.