Di tơngkah kir sơnrai 78 nam ngai crơng gơs Ling klàng Làng bol Việt Nam, drim ngai 21/12, Mpồl ala mat Đại sứ quán, anih lơh broă Tùy viên Quôk phòng, ală anih lơh broă rềp bal, mpồl lơh sa kă bro, mpồl Khmer- Việt Nam tàm lơgar Campuchia neh tus ơn guàng bơkàu, chu ñàng tàm Rùp mòn git gơp lơh bơyô Việt Nam- Campuchia tàm càr lơgar Phnom Penh.

Do là broă lơh ờs mờng nàng kah kơlôi bơta phi să dờng màng bơh ală rơnàng ling dong kờl is Việt Nam dê tàm Campuchia. Bơh hơ̆ kung dong bơto bơtê mờ mblàng yal tus ală rơnàng kơnòm să, nàng kờñ sền gàr mờ ngui niam rlau tai ală bơhiàn ờs mờng niam bơnĕ bơh Ling klàng làng bol Việt Nam dê, kung bè pơgồp bơnah bơt bơtàu ai git gơp Việt Nam- Campuchia in ngai sơlơ niam bơnĕ.