Ngan ngồn, ală mpồl lơh sa kă bro drơng broă năc lòt nhơl tàm ƀòn dờng Hồ Chí Minh, Hà Nội, Đà Nẵng mờ Quảng Ninh, neh geh dơ̆ lòt sền, sền gĭt tàm ală tiah lòt nhơl niam ngan bơh càr Dăk Lăk dê, bè: tiah lòt nhơl rbàng yồng Buôn Đôn, brê dà lơgar York Đôn, lòt sền jat tềl jơng rơwas, rềp mềl mờ rơwas; was plung tiă gan dà dờng Serepok; lòt sền bơnơm lŭ rơwas me, tơnau dà Lăk; tus còp suơn dờng ka kao mờ lòt sền broă lơh lòt nhơl tàm ală tiah lòt nhơl mpồl bơtiàn mờ ală tiah tềl lời wơl kah yau.

Ală mpồl kung lòt sền ală hìu ơm rlô să bơh 3 tus 5 sơmañ tàm ù tiah càr Dăk Lăk mờ kĭ hơ lơh broă bal mờ ală mpồl lơh sa kă bro drơng broă năc lòt nhơl tàm càr Dăk Lăk. Tơnơ̆ 4 ngai sền gĭt, mò Nguyễn Huyền Trang tus bơh Hà Nội đơs là pal pơgồp bal tai mờ ală càr rềp bal nàng lam lơh lòt nhơl ală gơl gùng, nàng năc in gơtùi sền gĭt uă rlau tai.