Đơs tàm dơ̆ cribơyai bal mờ bơta geh mat bal bơh Củ tịc Ngân hàng Dunia (WB) dê là ồng David Malpass, Kwang ătbồ lơgar Tanzania, Kwang ătbồ lơgar Mozambique, Ƀộ trưởng Ƀộ Tài nguyên mờ Môi trường ồng Trần Hồng Hà neh yal ală rơndăp broă lơh, gùng dà broă lơh mờ tŭ tơngai lơh bơh lơgar Việt Nam dê tàm broă lơh jăt ală jơnau hơ pơrgon mờ Ngân hàng Dunia bè tam gơl trồ tiah. Bè đah he, Củ tịc Ngân hàng Dunia ồng David Malpass đơs ală rơndăp broă lơh bơh lơgar Việt Nam dê neh lơh gơlik geh bơta gơn kơnờm mờ geh cồng nha. Bơta gĭt gơ̆p bơh WB mờ Việt Nam dê tàm broă lơh jăt broă lơh tam gơl sồ là broă lơh lài ai ală dà lơgar mờ kơnhoàl ù tiah do in. Ồng David Malpass đơs sùm WB geh pơn jăt tai lòt bal mờ Việt Nam ngan là tàm broă gơdờp bal mờ tam gơl trồ tiah.