VOV4.K’Ho- Drim òr (10/5), tàm Hà Nội, Phó Thủ tướng ồng Trần Lưu Quang đơng lam Pơrjum pờ tơlik tàm internet gùt lơgar bè broă rơcang lài pleh rềs àr bơh trồ tiah lơh aniai mờ jòi dong klàs cau gơtìp rềs àr nam 2024.

VOV4.K'Ho - Drim ngai 10/5, tàm Hà Nội, geh lơh Pơrjum bơto pơlam mờ lam lơh jat Nghị quyết sồ 41 bơh Ƀộ Cíñ trị dê bè Lơh mờ ngui niam gơnoar broă bơh Mpồl cau lơh sa kă bro Việt Nam dê tàm rài pa.

VOV4.K'Ho - Mpồl Tam klac cau ùr càr Dăk Lăk pa mut lơh Ngai chờ cau ùr sơn đờm mut lơh broă mờ gùng tam gơl sồ nam 2024.

VOV4.K’Ho- Ngai 9/05, Đại tướng ồng Tô Lâm, Ƀộ trưởng Ƀộ Kwang àng lơh broă mờ Ƀan Cấp hàñ Đảng ƀộ ƀòn dờng Hải Phòng bè cồng nha broă lơh bơt bơtàu Đảng, ală anih lơh broă Cíñ trị, bơtàu tơnguh lơh sa- mpồl bơtiàn, sền gàr Dà lơgar mờ bơta lơngăp lơngai.

VOV4.K’Ho- Bơh ngai 01/05 tus jơh ngai 31/08, gah Ồs đèng càr Dăk Lăk lam lơh mờ lơh dơ̆ pơrlòng “Hìu bơnhă tềm pềr ồs đèng nam 2024”.

VOV4.K’Ho- Ngai 09/05, Thủ tướng Cíñ phủ ồng Phạm Minh Chính neh đơng lam Pơrjum đơng lam pơgồp bal tiah Ring dà dờng Hồng, yal ai jơh tơl nă cau in gĭt Rơndăp ù tiah tiah ring dà dờng Hồng tơngai bơh nam 2021- 2030, bơta wèt sền tus nam 2050.

VOV4.K'Ho - Drim 09/5, tàm Hà Nội, Liên đoàn Kă bro mờ Lơh sa mờ măi mok Việt nam (VCCI) bơyai lơh yal Khà sơñio pràn jak tàm pơrlòng kâp càr (PCI) mờ Khà sơñio tơlir kâp càr (PGI) nam 2023. Nam do, càr Quảng Ninh pơn jat tai gàr sùm khà dơ̆ 1 nam dơ̆ 7 pơn jat sùm mờ 71,25 điểm lam lài PCI.

VOV4.K’Ho- Tơnơ̆ mờr 2 nhai lam lơh, 20 rơndăp broă lơh jăk ngan bơh cau ùr càr Dăk Lăk dê geh mŭt dar pơrlòng dŭt ndơl bơh dơ̆ pơrlòng cau ùr mŭt lơh broă bơceh lơh mờ tam gơl tơlir kấp càr geh bơyai lơh 2 ngai bơh ngai 9 tus 10 nhai 5 tàm ƀòn dờng Buôn Ma Thuột.

VOV4.K’Ho- Drim òr (09/5), tàm Hìu lơh broă Cíñ phủ, Thủ tướng Cíñ phủ ồng Phạm Minh Chính, Củ tịc Mpồl duh broă đơng lam pơgồp bal tiah Ring dà dờng Hồng đơng lam Pơrjum dơ̆ 3 bơh Mpồl duh broă dê nàng yal Rơndăp ù tiah tiah Ring dà dờng Hồng tơngai bơh nam 2021 tus 2030, wèt tus nam 2050; tơn jơh ing 1 nam lơh jăt Nghị quyết bơh Ƀộ Cíñ trị mờ Nghị quyết bơh Cíñ phủ; sền wơl gùng dà broă lơh krơi is bơtàu tơnguh tiah do; broă rơndăp ù tiah đơng lam pơgồp bal Tiah mờ sền wơl broă lơh jăt ală rơndăp broă tờm bơh tiah rign dà dờng Hồng dê.

VOV4.K'Ho - Mho ngai 08/5, tàm Hìu lơh broă Cíñ phủ, Thủ tướng Cíñ phủ ồng Phạm Minh Chính wă Phó Kwang atbồ Quôk hội lơgar Lo ồng Trương Khánh Vĩ.