VOV4.K’Ho- Mho ngai 13/05, Kwang bàng Ƀộ Cíñ trị, Ƀí thư Đảng Dà lơgar, Kwang ătbồ Ƀan Nội cíñ Dà lơgar ồng Phan Đình Trạc mờ Mpồl kwang bàng Quôk hội càr Lâm Đồng neh tìp măt cau tĕ khà là kwang bàng, kông cưk ƀòn dờng Dà Làc.

VOV4.K’Ho- Ală ngai do, kơnòm bơsram ơdŭ 12 tàm Dăk Lăk gam tơnguh mhar bơto bơsram wơl, bơtơl wơl jơnau gĭt wă, rơcăng mŭt tàm dơ̆ pơrlòng jơh bơsram kâp pe nam 2024.

VOV4.K'Ho- Drim òr (13/5), Phó Thủ tướng ồng Trần Hồng Hà neh wă rò Tiến sĩ Saia Ma’u Piukala, Kwang atbồ Mpồl lơh sơnơm dunia tiah đah mat tơngai mut Thái Bình Dương.

VOV4.K’Ho- Ală nam do, Thàñ ủy ƀòn dờng Buôn Ma Thuột, càr Dăk Lăk neh lam lơh uă broă lơh geh cồng nha nàng tơmŭt Đảng tàm mpồl ling klàng làng bol sền gàr is. Bơh hơ̆, pơgồp bơnah tơngguh uă cồng nha đảng viên tàm mpồl phàu crong do, gàr sùm bơta tàm pơdờn ală rơnàng đảng viên kơnòm să rềp yên, bơ̆t bơtàu mpồl Đảng tàm kơnă hơđơm ngai sơlơ pràn kơldang kơ̆ kơl jăp, lơh jăt geh cồng nha kơnòl broă sền gàr niam lơngăp lơngai rơndăp tăp sèng lơngăp lơngai jơh gùt mpồl bơtiàn tàm ƀòn dờng dê.

VOV4.K’Ho- Pa do, tàm càr Kon Tum, Phó Thủ tướng ồng Trần Lưu Quang neh đơng lam Pơrjum pờ tơlik tàm internet gùt lơgar bè broă atbồ, sền gàr brê mờ rơcang kơrian ồs sa brê. Jăt jơnau yal, ồs sa brê neh lơh 12 nă cau gơtìp chơ̆t, 6 nă cau sồt să, mờ lơh gơtìp ală hoàc huơr uă ngan bè brê. Phó Thủ tướng sồr gah lơh broă geh gơnoar bal mờ ală càr, ƀòn dờng bañ sền ờ sơ̆p, ờ sền gròi, pal rơcang lài, pràn rơlao tàm broă sền gàr brê mờ rơcang kơrian ồs sa brê.

VOV4.K'Ho - Mho ngai 10/5, di tơngkah 65 nam ngai pờ gùng Hồ Chí Minh – Ngai bơhiàn ling Trường Sơn, Thủ tướng Cíñ phủ ồng Phạm Minh Chính lòt còp Ƀinh đoàn 12 – Tổng Kông ty bơt bơtàu Trường Sơn mờ Chờ ờs mờng Trường Sơn – Gùng Hồ Chí Minh Việt Nam.

VOV4.K’Ho- Mho ngai 10/05, tàm Hìu lơh broă Cíñ phủ, Phó Thủ tướng ồng Lê Minh Khái wă ồng Lee Sang Woon, Phó Củ tịc, Kwang đơng lam Tập đoàn Hyosung, lơgar Hàn Quốc.

VOV4.K'Ho - Đơs lài nam do geh bơh 11 tus 13 dơ̆ càl rbut dờng, mìu nhàc tàm dà lềng đah mat tơngai lik, tàm hơ̆, geh bơh 5 tus 7 dơ̆ càl rbut dờng, mìu nhàc gơ rềng tus ù gờl lơgar he dê.

VOV4.K’Ho- Tơnơ̆ tŭ geh Thủ tướng Cíñ phủ dờp ƀòn dờng Kon Tum lơh geh tiah drà khà II gơwèt càr Kon Tum tàm nhai 01/2023, gơnoar atbồ ƀòn dờng Kon Tum neh lam lơh 3 rơndăp broă lơh mờ kờp jơh priă bơcri lơh rlau 400 tơmàn đong nàng lơh niam wơl tiah drà.

VOV4.K’Ho- Jăt sră săp sèng sơñio khà pràn jak tàm pơrlòng kâp càr (PCI) nam 2023 bơh Ală mpồl Kă bro phan mờ Lơh sa mờ măy mŏk Việt Nam dê pơgồp bal mờ Anih lơh broă Bơtàu tơnguh ală lơgar bơh lơgar Mỹ dê pa yal, càr Dăk Nông rơndăp ơm dơ̆ 21 tàm 63 càr, ƀòn dờng.