VOV4.K'Ho- Pa do, tàm thị trấn Măng Đen, kơnhoàl Kon Plông, càr Kon Tum, Tổng Kông ty Tân Cảng Sài Gòn pơgồp bal mờ Ƀan Tuyên giáo Tỉñ ủy càr Kon Tum bơyai lơh Pơrjum sền wơl 1 nam lam lơh broă lơh mblàng yal bè dà lềng, bồt bơlào; mblàng yal gơ hòi gơ jà ală mpồl cau nam 2023 mờ Ƀan Tuyên giáo ală càr Kon Tum, Gia Lai, Dăk Nông mờ kĭ broă rơndap lơh pơgồp bal lam lơh nam 2024.

VOV4.K'Ho- Pơn jat tai dơ̆ lòt lơh broă tàm lơgar Nhờk, tàm ngai 02/4, mò Trương Thị Mai, Kwang geh jơng tàm Ƀộ Cíñ trị, Duh broă sùm Ƀan Ƀí thư, Kwang atbồ Mpồl rơndap broă dà lơgar, Củ tịc Mpồl nghị sĩ lơh bơyô bal Việt Nam – Nhờk mờ Mpồl kwang bàng kâp dờng Đảng he dê neh geh dơ̆ tìp mat, lơh broă mờ Củ tịc Đảng Zân củ Tự zo, Thủ tướng ồng Fumio Kishida.

VOV4.K'Ho- Drim òr (02/04), Broă lơh Bơtàu tơnguh Liên hợp quôk tàm lơgar Việt Nam (UNDP) pơgồp bal mờ Anih tờm Kơlôi sơnơng bơtàu tơnguh mờ dong kờl mpồl bơtiàn (CECODES) neh bơyai lơh Pơrjum yal Khà cồng nha quản trị mờ sră pơ àr gơnoar atbồ dà lơgar kâp càr (PAPI) nam 2023.

VOV4.K’Ho- Drim òr (02/04), tàm Hìu pơrjum càr Khánh Hoà, Thàñ ủy, HĐÑZ, UɃÑZ, Ủy ƀan Mặt trận Dà lơgar Việt Nam ƀòn dờng Nha Trang bơyai lơh Pơrjum tơnkah 100 nam ngai bơ̆t bơtàu mờ bơtàu tơnguh ƀòn dờng Nha Trang (1924-2024); 15 nam ngai ƀòn dờng Nha Trang geh dờp là tiah drà khà I càr Khánh Hoà dê bơh nam 2009 tus 2024.

VOV4.K’Ho- Mho òr (02/04), Thủ tướng ồng Phạm Minh Chính đơng lam Pơrjum mờ ală kwang atbồ anih lơh broă ala măt lơgar Việt Nam tàm Lơgar bơdìh bè broă lơh pràn broă cri bơyai broă mờ lơgar ndai lơh sa drơng broă bơtàu tơnguh dà lơgar nam 2024.

VOV4.K’Ho- Thủ tướng Cíñ phủ ồng Phạm Minh Chính pa đơng lam pơrjum mờ ală Ƀộ, Gah lơh broă dà lơgar, ală tiah, ală mpồl bè broă lơh jăt ală rơndăp broă lơh Gùng che 500 Kilovon gơl bơh càr Quảng Bình tus càr Hưng Yên.

VOV4.K’Ho- Trồ tơngai duh jŏ jòng lơh gĭt nđờ rhiang rbô lồ brê tàm càr Kon Tum kung gam pal kong mờ jơnau pơhìn ồs sa khăt tàm tŭ lơi. Ală mpồl cau tờm brê tàm càr Kon Tum gam pơn jăt tai tơrgùm jơh pràn rơcăng lài sơndră wơl ồs sa brê.

VOV4.K’Ho- Drim òr (02/04), neh geh bơyai lơh dơ̆ tơnkah 100 nam ngai bơt bơtàu mờ bơtàu tơnguh ƀòn dờng Nha Trang, càr Khánh Hòa. Phó Củ tịc Quôk hội ồng Trần Thanh Mẫn mờ Phó Thủ tướng Cíñ phủ ồng Trần Hồng Hà tus bal.

VOV4.K’Ho- Mho ngai 01/04, tàm Hìu duh broă Cíñ phủ dê, Thủ tướng Cíñ phủ ồng Phạm Minh Chính đơng lam pơrjum mờ ală Ƀộ, Gah lơh broă dà lơgar, ală tiah, anih lơh broă bè broă lơh jăt ală rơndăp broă lơh gùng che 500 Kilovon gùng che 3 gơl bơh Quảng Trạch (càr Quảng Bình) tus Phố Nối (càr Hưng Yên).

VOV4.K’Ho- Dờp jơnau jà bơh Dà lơgar Nhờk dê, mò Trương Thị Mai, Kwang bàng Ƀộ Cíñ trị, Duh broă sùm Ƀan Ƀí thư, Kwang ătbồ Mpồl Rơndăp broă Dà lơgar, Củ tịc Mpồl Nghị sĩ lơh bơyô bal Việt Nam mờ Nhờk, lam bồ Mpồl ala măt kwang bàng kâp dờng Đảng he còp mờ lơh broă tàm lơgar Nhờk bơh ngai 31/03 tus ngai 03/04/2024.