VOV4.K'Ho - Mho ngai 27/3, tàm Hìu lơh broă Cíñ phủ, Thủ tướng Cíñ phủ ồng Phạm Minh Chính neh wă Ƀộ trưởng bơtàu tơnguh lơh sa, kă bro dunia mờ hòi jà tac phan tus lơgar Canada mò Mary Ng gam ơm còp, lơh broă tàm lơgar Việt Nam.

VOV4.K'Ho - Mho mang ngai 27/3, tàm Hìu lơh broă Quôk hội, Củ tịc Quôk hội ồng Vương Đình Huệ tìp mat Mpồl cau ala mat cau geh bồ tơngoh bơsram sră, cau kơ đơng yàng, cau jơi bơtiàn dồ êt nă cau geh pơn rơ jak ƀòn dờng Hà Nội.

VOV4.K’Ho- Mho ngai 27/03, mò Trương Thị Mai, Duh broă sùm Ƀan Ƀí thư, Kwang atbồ Mpồl rơndăp broă Dà lơgar bal mờ mpồl lơh broă bơh Dà lơgar neh tus còp, pà phan, tăp kơƀàng Hìu Tam klăc dờng ai bàr pe hìu bơnhă làng bol tàm ù tiah kơnhoàl Điện Biên, càr Điện Biên in mờ lòt sền broă lơh rcang ai dơ̆ tơngkah kir sơnrai 70 nam Tam lơh pha lin Điện Biên Phủ dê.

VOV4.K'Ho - Dăk Nông pa tòm 49 nam tơngklàs Gia Nghĩa, càr neh yŭ rơyùm bơyai lơh Tơngkah kir sơnrai 20 nam ngai crơng gơs wơl càr (2004- 2024). Dăk Nông – Jat dà kòn cau M’nông geh gơtha là “dà bơh plai nhồng”. Bơh ù tiah rƀah kal ke, Dăk Nông neh brồ guh pràn kơldang mờ tŭ do gam lơh ngan bơtàu tơnguh gơ gơs càr bơtàu tơnguh đau bơh tiah Tây Nguyên dê.

VOV4.K’Ho- Drim ngai 27/03, tàm Hìu lơh broă Quôk hội, Củ tịc Quôk hội ồng Vương Đình Huệ wă Thượng Nghị sỹ lơgar Mỹ mò Kirsten Gillibrand Củ tịc Mpồl ală bơta pơhìn pa geh, Ủy ƀan quân vụ Thượng viện lơgar Mỹ mờ ală kwang bàng tàm mpồl là ală Thượng Nghị sỹ, Hạ nghị sỹ, ală đảng cíñ trị, ală tiểu ƀang bơh lơgar Mỹ dê gam geh dơ̆ còp mờ lơh broă tàm lơgar Việt Nam.

VOV4.K’Ho- Tàm khà 128 broă lơh ai dà sàng ƀòn lơgar in tơrgùm tàm càr Dăk Lăk, geh tus 52 broă lơh neh gơtìp tơrlah, ờ niam, ơm ờ gơtùi lơh broă mờ git nđờ jơ̆t broă lơh ndai lơh broă nggùl gơl. Ờ tơl priă lơh kơl jăp wơl neh lơh gơrềng ờ niam uă ngan tus mờ broă ai dà sàng ngui sa làng bol in, tàm hơ̆ uă ngan là tàm tŭ trồ prang tŭ do.

VOV4.K’Ho- Drim òr (27/03), tàm Hà Nội, Kwang geh jơng tàm Ƀộ Cíñ trị, Duh broă sùm Ƀan Ƀí thư, Kwang atbồ Mpồl rơndăp broă Dà lơgar mò Trương Thị Mai lơh broă mờ Đảng đoàn, Duh broă sùm Mpồl cau ling yau Việt Nam.

VOV4.K'Ho- Mho òr (26/03), tàm Hìu lơh broă Cíñ phủ, ồng Phạm Minh Chính, Kwang geh jơng tàm Ƀộ Cíñ trị, Thủ tướng Cíñ phủ, Kwang atbồ Tiểu ƀan Lơh sa – mpồl bơtiàn Pơrjum dờng cau ala mat gùt lơgar dơ̆ XIV bơh Đảng dê đơng lam pơrjum dơ̆ 2 bơh Tiểu ƀan dê.

VOV4.K’Ho- Di tơnkah 93 nam ngai crơng gơs Đoàn ơruh pơnu Kộng sản Hồ Chí Minh, mho òr (26/03), Quân ủy Dà lơgar, Ƀộ Quốk phòng bơyai lơh jờng rơ 45 nă cau kơnòm să geh pơnrơ jăk, cau kơnòm să geh bơta gơn kơnờm bơtàu tơnguh tơnơ̆ do gùt ling klàng nam 2023.

VOV4.K’Ho- Ngai òr (26/03), tàm hìu lơh broă Đảng Dà lơgar, Tổng Ƀí thư ồng Nguyễn Phú Trọng neh cri bơyai tàm điện thoại mờ Kwang atbồ lơgar Nga ồng Vladimir Putin.