VOV4.K'Ho - Rơndap broă lơh gùng lòt kuơmàng gùng Hồ Chí Minh gơl pleh tiah đah mat tơngai lik ƀòn dờng Buôn Ma Thuột neh geh Ƀộ Giao thông Vận tải bơ tơl tai rlau 330 tơmàn đông nàng drơng broă ai ù lơh rơndap broă, mơya tơngai lam lơh rơndap broă kung gam lơyài ngan. Lòt sền bơta geh ngan rơndap broă lơh, Củ tịc Ủy ƀan Ñân zân càr Dăk Lăk neh sồr ală anih lơh broă, mpồl lơh broă geh gơ rềng sơlơ tơnguh tai kơnòl broă he dê.

VOV4.K'Ho - Tŭ do neh mut tàm tơngai prang duh ngan tàm Dăk Lăk, jơnau kờñ geh dà ngui sa bơh làng bol dê gơguh uă. Anih tờm dà sàng goh mờ kloh niam tiah ơm kis ƀòn lơgar càr gam rơcang wil tơl cau lơh broă, phan bơna nàng gàr geh dà sùm, tơrmù tus khà lơyah ngan rlau jơh bè ờ tơl dà ngui sa bơh làng bol dê.

VOV4.K’Ho- Mò Võ Thị Ánh Xuân, Phó Củ tịc lơgar at ing gơnoar broă Củ tịc lơgar Kộng hoà xã hội củ nghĩa Việt Nam bơh ngai 21 nhai 03 nam 2024 tus tàm tŭ Quốk hội pồ geh Củ tịc lơgar pa.

VOV4.K’Ho- Tây Nguyên gam tàm tơngai prang dờng, dà tàm ală dà dờng, croh dà gam gơmù soăt mhar ngan, geh ờ uă tiah dà neh soăt ngan. Gah lơh sa suơn sre tàm ală tiah gam bal mờ làng bol mhar lơh jăt ală broă lơh, gàr lơngăp lơngai, geh cồng nha broă lơh sa in.

VOV4.K’Ho- Mho ngai 20/03, Thủ tướng ồng Phạm Minh Chính neh wă ồng Karthik Rammohan, Phó Củ tịc kấp dờng Tập đoàn Lam Research (lơgar Mỹ ) mờ kwang ala mat Kông ty Seojin (lơgar Hàn Quốc).

VOV4.K’Ho- Ƀòn dờng Buôn Ma Thuột lơh ngan lơh gơs mờ ai ngui ală broă lơh tờm tàm nhai 11 nam do, di dơ̆ tơnkah 120 nam crơng gơs càr Dăk Lăk.

VOV4.K’Ho- Ƀộ Nội vụ pa geh broă rơndăp lơh bơyai lơh broă Thủ tướng Cíñ phủ tìp mờ cri bơyai mờ ơruh pơnu nam 2024, di tơnkah 93 nam Ngai crơng gơs Đoàn Ơruh pơnu Kộng sản Hồ Chí Minh (26/3/1931 - 26/3/2024).

VOV4.K’Ho- Ngai òr (20/03), tàm Hìu lơh broă Đảng Dà lơgar, Mpồl đơng lam Đảng Dà lơgar Khoă XIII neh pơrjum sền wơl, pơgồp jơnau đơs bè broă lời at gơnoar ală broă, ơm lơh broă gơwèt mờ ồng Võ Văn Thưởng, Kwang geh jơng tàm Ƀộ Cíñ trị, Kwang geh jơng tàm Mpồl đơng lam Đảng Dà lơgar khoă XIII, Củ tịc lơgar Kộng hoà xã hội củ nghĩa Việt Nam, Củ tịc Mpồl duh broă Sền gàr dà lơgar mờ lơngăp lơngai tơngai bơh nam 2021 tus 2026.

VOV4.K'Ho - Pa do, mpồl kwang bàng bơh Cíñ phủ dê bơh Kwang geh jơng Ƀan Cấp hàñ Đảng dà lơgar, Ƀộ trưởng Ƀộ Ngoại giao ồng Bùi Thanh Sơn lơh kwang atbồ mpồl neh geh dơ̆ lơh broă mờ càr Gia Lai. Tơngume lơh broă gơ rềng tus broă lơh sa kă bro, bơcri priă lơh mờ tac, blơi phan bơh lơgar ndai tàm càr; sơlơ tơnguh tac phan hờ lơgar ndai mờ yal tơnggit rùp hin bơh càr dê.

VOV4.K’Ho- Phó Thủ tướng ồng Trần Hồng Hà pa đơng lam dơ̆ pơrjum tă pơgồp jơnau bè jơnau rcang cih “Broă rơndăp lơh jŏ jòng bơtàu tơnguh bơto bơtê tơngai tus nam 2030, rơndăp broă tus nam 2045.