VOV4.K’Ho- Drim òr (15/11), Thủ tướng Cíñ phủ Phạm Minh Chính đơng lam pơrjum bơtàu tơnguh lòt nhơl Việt Nam mhar mờ kơ̆ kơl jăp.

VOV4.K'Ho - Drim do (15/11), Củ tịc lơgar Võ Văn Thưởng bal mờ Mpồl kwang bàng kâp dờng lơgar Việt Nam neh tus ƀlàng rơndeh par dunia San Francisco, lơgar Mỹ, sơn đờm dơ̆ lơh broă tus bal Poh kwang bàng kâp dờng Cribơyai lơh broă bal lơh sa câu Á – Thái Bình Dương (APEC) nam 2023.

VOV4.K'Ho - Ngai òr (14/11), Mpồl đơng lam hòi jà ai is mhàm càr Gia Lai tơn jơh broă lơh ai is mhàm nam 2023, lam lơh broă rơndap lơh nam 2024.

VOV4.K’Ho- Mho òr (14/11), Thủ tướng Cíñ phủ Phạm Minh Chính đơng lam pơrjum dơ̆ 6 Mpồl đơng lam lơh niam wơl sră nggal Cíñ phủ dê.

VOV4.K’Ho- Dờp jơnau jà bơh Kwang atbồ lơgar Mỹ Joe Biden dê, ngai 14/11, Củ tịc lơgar Võ Văn Thưởng mờ pơ ùr bal mờ mpồl kwang bàng kấp dờng lơgar Việt Nam lòt gùng tus bal Poh Kwang bàng kấp dờng APEC nam 2023 mờ pơgồp bal lơh broă đah 2 gah tàm lơgar Mỹ bơh ngai 14 tus ngai 17 nhai 11.

VOV4.K’Ho- Drim òr (14/11), tàm Hà Nội, Đảng uỷ Mpồl ală anih lơh broă Dà lơgar bơyai lơh pơrjum tơn pơgồp bal mờ pờ tơlik tơn tàm internet bơsram lơh jat tơngume Pang sră “Jơh gùt lơgar dùl nùs bal, gơ jal tơl tŭ tơngai, sơr lèt gan tơl bơta kal ke, bơta lòng, jơh nùs lơh ngan lơh jat geh cồng nha Nghị quyết Pơrjum dờng dơ̆ XIII bơh Đảng dê” bơh Tổng Ƀí thư Nguyễn Phú Trọng dê tàm jơh gùt Đảng ƀộ.

VOV4.K’Ho- Ƀòn dờng Dà Làc, càr Lâm Đồng gam mhar ngan lơh niam wơl tiah drà, rcang ală tơngume nàng bơyai lơh dùl ròt broă lơh tàm nhai 12 do nàng kờñ wèt tus tơnkah 130 nam Ngai crơng gơs mờ bơtàu tơnguh.

VOV4.K’Ho- Ƀộ trưởng Ƀộ Tài cíñ Hồ Đức Phớc neh geh dơ̆ lơh broă bal mờ Ƀộ trưởng Ƀộ Kes priă lơgar Australia, Kwang ătbồ bè priă jền lơgar Nhờk mờ Ƀộ trưởng Ƀộ Tài cíñ lơgar Singapore, di tàm dơ̆ tus Pơrjum Ƀộ trưởng Ƀộ Tài cíñ mpồl APEC nam 2023 geh bơyai lơh tàm lơgar Mỹ.

VOV4.K’Ho- Wèt tus tơngkah kir sơnrai 41 nam Ngai Cau pơgru Việt Nam, drim òr (13/11), Củ tịc lơgar Võ Văn Thưởng neh tus còp mờ gờm chờ ngai Cau pơgru Việt Nam tàm Hìu bơsram Đại họk Khoa họk Xã hội mờ Nhân văn (Hìu bơsram Dà lơgar Hồ Chí Minh).

VOV4.K’Ho- Drim ngai 13/11, tàm Hà Nội neh geh bơyai lơh Pơrjum lơh broă lơh gùng kềng lơh sa đah 5 càr, ƀòn dờng tàm hơ̆ geh: Hà Nội, Hải Phòng, Quảng Ninh, Lào Cai (Việt Nam) mờ Vân Nam (lơgar Lo) dơ̆ 10; tơrgùm rlau 200 nă kwang bàng cribơyai mìng dùl tơngume bè Bơcri priă, kă bro, Niam chài, Gah lơh sơnơm, Bơto bơtê, Lòt nhơl; Gùng lòt pơndiang phan mờ Logistic.